قريت اليوم خبر غريب في جريدة الراي العام عن جمعية سلامة مرور تتحلطم على الحوادث....
طبعا ما ادري هالجمعية من وين طلعت او متى طلعت بس لما اييون بـالـ2006 و يقولون انه التلفون اهو سبب الحوادث انا اقول خل يروحون بيوتهم احسن.....؟!؟!؟
ليش ما تكلموا عن مسخرة امتحانات القيادة و الليسنات الي تنعطى للمهابيل علشان يذبحون الاكو و الماكو
ليش ما يتكلمون عن سواق الباصات و نظرية البقاء للأكبر في الطريج
ليش ما يتكلمون عن زحمة الطريج و اسباب الاختناقات المرورية الي تخلي الواحد ينفجر مخه 16 مرة باليوم و تخليك تطوف الاشارة الحمرا بعد ما قعدت 1 و نص علشان تدخل الدائري الرابع
ليش ما يتكلمون عن اعطاء الوافدين رخص مرورية للكل (ما عندي مشكلة مع قيادة الوافدين) و شحقه ما ينظمونها مثل ما سووا تمثيلية استقدام الوافد لعايلته بشرط مستوى الدخل
ليش ما يمنعون التدخين و السوالف و الضحك داخل السيارة بعد و ليش ما تنشال الراديوات و المسجلات و التلفزيونات قبل لا ينشال النقال
ليش ما تكلموا عن مسخرة الطفايات و دفاتر الشرطة الي بس عن التغييم و ترقيم البنات
ليش و ليش و ليش
بسي تحلطم
